ام رضوان.. النس اللي ماسكين في الفلوس باديهم واسنانهم الفلوس مش كل حاجه.. زمن الطيبين

كلهم كانو معايا يا ولدي ..!!
قسمآ بربي الجملة دي من جمالها خطفت قلبي 💚
زمن الطيبين...
الحاجه "أم رضوان" اللي قدام حضراتكم في الصور دي ست فقيرة جداً من قرية تابعة لمركز ملوي جنب مننا ف المنيا وهي معديه إمبارح في الشارع اللي فيه بيتها لقت مبلغ ٢٥ الف جنية محطوط جوه شنطة صغيرة وواقع ع الأرض وعلى الفور أصرت ترجع المبلغ لصاحبه .. بلغت كل الناس أنها لقيت فلوس واللي معاه أمارتهم ييجي ياخدهم لحد ما جه ليها شاب مكافح راكب تيروسكيل وقالها الأمارة كذا وكذا والمبلغ ٢٥ الف جنية .. الشاب صمم يديها فلوس من المبلغ لكنها رفضت وضحكت وقالت له ما كلهم كانوا معايا ياولدي 😊

الحاجه أم رضوان بتقول للناس اللي ماسكين في الفلوس بإديهم وإسنانهم ان الفلوس مش كل حاجه وان المثل اللى بيقول معاك قرش تسوى قرش مثل ملوش إى ستين لزمه وإن الشرف والامانه والضمير أهم من كنوز الدنيا واللي عليها .

فعلاً ( لسه الدنيا لخير ) 👌👌