نصايح شتوية للرجال!
 |
| نصايح شتويه للرجال |
*الكلام ده مهم جداا للرجال لتفادي المشاكل في الشتاء.
*بعض الملاحظات فى التعامل مع الزوجة في فصل الشتاء:
١- ممنوع دخول المطبخ اثناء غسلها للمواعين. لأن هذا الوقت بيكون ذي وقت اكتمال القمر عند المستذئبين كدا. ممكن تفاجئك بأي فعل في ثانية واحدة،
٢- الشاي. حاول تقلل من طلبك للمشروبات الساخنة، لأن هذا معناه كوبايات كتير وهتقوم تقف على الحوض أكثر من مرة. والدراسات الحديثة بتقول ان طول عمرك يتناسب عكسيا مع عدد مرات وقوف مراتك على الحوض في الشتا.. قلل وقفتها..عمرك يطول.
٣- ماتحاولش تتريق على ملابسها ذي الاسترتش اللي تحت البنطلون ال فوق البنطلون التالت ال تحت البيجامة ال فوق البروڤر ال تحت الروب ال تحت الشال ال حاضن الدفاية.
الحاجات دي هي الضمانة الوحيدة انها ماترضاش وقت الامتحانات والمذاكرة. بتاعة الاولاد . اللي لو انت قمت بيها، هتفضل تنتحر..
٤- جزمتك اللي لابسها في رجلك.. تقلعها اول ما تدخل من باب العمارة احتياطي.. مش باب الشقة.. لانك لو وسخت الارض اللي لسة ممسوحة بطين المطر اللي في جزمتك من الشارع اعتبر نفسك تختفي لفترة ..
5- ابعد عنها لمدة ٣ ساعات بعد نشرها للغسيل في الشتا.. لان تعرضها لتيارات الهواء البارد وقت النشر مع غسيل المواعين مع مذاكرة العيال يخلق حالة من الهلاوس البصرية بتخليها شايفاك بطانية تايجر متربة ونفسها تنفضها بالمنفضة او بالسكينة ايهما اقرب..
6ـ التليفزيون.. احد اكبر العوامل اللي ممكن تنجيك من فترة الشتا وانت مع مراتك... الريموت في ايدها متفكرش تيجي جنبه.. تتهور وتاخده وتجيب ماتش كورة.. مش هتلاقي لاعب واحد يحضر جنازته.. كلهم في المنتخب .
٧- حاول تبقى منتبه وانت نايم بالليل..هتقولي ازاي بقى؟
هقولك معرفش؟
-المهم تبقى واعي انك ماتشدش أي بطانية من الستة ال هي متغطية بيهم اتوقع اي لحاف من ال بين البطاطين
لان ده معناه تغيير في درجةحرارة جسمها وممكن يحصل خروج من حالة الثبات وتبقى خناقه.
تعليقات
إرسال تعليق