مواصفات جهاز realme x3.
 |
| مواصفات جهاز realme x3 |
*ما هي مواصفات وامكانيات جهاز realme x3 الجديد؟
-التصميم :
تريندات ٢٠٢٠ ، بصمة في الجمب و ثقب للسيلفي ، و الحقيقة رغم انه شكل الكاميرات متكرر من ريلمي -إشارة المرور- إلا اني بحترم فكرة انهم مش بيقلدوا حوار بوكس الكاميرات الفاكس زي الباقيين .
-الخامات :
*ضهر زجاج و فريم من البلاستيك ، في فئة فيها نوفا ٧ و رينو٢ بفريم من المعدن كذلك مي نوت ١٠ لايت ارخص و بفريم من المعدن و دة اللي جاي الريلمي اكس٣ ورا (ملمس الفريم رخيص)
*ولكن علي الجانب الإيجابي ، التقفيل الداخلي للجهاز جيد جدا مع قدرات تحمل البوردة للحرارة مميزة مع افكار تبريد موازية للفئة
-الشاشة :
*من نوع ips بدقة ١٠٨٠ بكسل وبتردد ١٢٠ هرتز ،
الشاشة جودتها اقل من المتوسط في الفئة دي من ناحية زوايا الروئية و نسب التباين ،،، مع سطوع جيد جدا بس نوع الشاشة هيكون سبب في ظهور ظل خفيف او تسريب اضاءة ناحية ثقب السيلفي ،
-ميزتها هي التردد العالي يعني سلاسة اكتر في التنقل في الواجهة و هتستفيد بيها في اي محتوي داعم لل١٢٠ إطار في الثانية شرط ان جهازك يكون مدعوم من المحتوي او اللعبة كمثال،
-الأداء :
*سناب ٨٥٥ بلص مع ذاكرة من نوع ufs 3.0...
اختصاراً للوقت ، الجهاز اداءه ممتاز في الفئة دي و مش هيقصر معاك في اي حاجة و يعتبر اقوي ميزة في الجهاز ولكن البوكو اكس٢ برو نازل قريب بمعالج اقوي و توليفة اداء افضل،
*الكاميرا :
-٦٤ و ٨ و ٨ و ٢ مع سيلفي ٣٢ + ٨
-الحقيقة معنديش اي ملحوظات عليها و تعتبر نقطة قوة في الجهاز برضو ولكنها مفرقتش كتير عن حاجة زي النوفا ٧ و الاس ١٠ لايت مثلاً وهما الاتنين من افضل خيارات التصوير في الفئة دي،
-البطارية :
*٤٢٠٠ مللي امبير + شاحن ٣٠ وات ...
قدرة الشحن ٣٠ وات شوفنا زيها كتير في الفئة دي و النوفا ٧ اعلي منها شوية (٤٠وات)
*بس اللي هيضايقك في الجهاز هي البطارية ، كمثال : شاشة ٦.٦ انش نوعها ips + ١٢٠ هرتز + سناب ٨٥٥ بلص علي بطارية ٤٢٠٠ مللي ،
*الصوت عادي جدا اما, الشبكة ، الواي فاي ، كفائة مستشعر المكالمات معنديش ملحوظات عليهم ...
*عوامل الأمان :
-البصمة و الفيس انلوك سرعتهم صاروخية فعلاً و يعتبروا من مميزات الجهاز ...
*نظام التشغيل :
-أندرويد ١٠ مع واجهة ريلمي الجديدة ،و اللي كان تقييمي ليها في المجمل ٨/١٠ ،
*الكماليات :
-الجهاز معاه جراب و سكرينة من العلبة ، ولكن مفهوش مكان لكارت الميموري ولا في سماعة في العلبة و مفيش لمبة اشعارات ..
-يقدم كاميرا و اداء كويسين في سعره مع ميزة حصرية في الشاشة (١٢٠ هرتز) مع بصمة و فيس انلوك و شبكة و مستشعر مكالمات شغالين بكفائة تامة .
*العيوب :
"ملمس الفريم رخيص (لانه بلاستيكي) ،،، جودة الشاشة اقل من المتوسط ،،، بطارية غير كافية و أرقامها تقلق ع المدي البعيد، مفيش مكان كارت ميموري ولا لمبة اشعارات ، و تسعير غير موفق منهم وفي المجمل شايف انه ميتدفعش فيه اكتر من ٨٥٠٠ج ،،)
-
تعليقات
إرسال تعليق